Sa gitna ng isang umuunlad na Siyudad, na punong puno ng maiingay na sasakyan... punong punong puno ng Ingay ng modernisasyon at lumolobong populasyon at dumaraming taong naninirahan sa Lungsod ng Maynila ay masasabi din natin na sa kabila ng Material na pangangailangan ng mamamayan ay hindi natin makakaila na nangangailangan din ng pangangailangan Ispirituwal ang bawat isa.
Kaya't hindi natin makakaila na noong Panahon ng Pananakop ng mga Kastila at hanggang ngayon ay nabubuo ang mga Parokya o ang isang Pamayanan na kinasasakupan ng Pamamahala ng isang Simbahan sa isang komunidad upang tumugon sa pangangailangan espirituwal ng pamayanan.
Dahil din sa mga Simbahan, nabubuo ang mga Distrito at komunidad. Kagaya ng Parokya ng San Juan Bautista sa Quiapo na siyang tahanan ng Mahal na Poong Hesus Nazareno, Parokya ng Santa Cruz sa Santa Cruz, Maynila, San Agustin sa Intramuros, Mahal na Birhen ng Loreto sa Sampaloc, Santo Niño sa Tondo at Pandacan at San Antonio de Padua sa Singalong.
Pero di natin aakalain na bagamat sa isang komunidad ay nangangailangan din ng Atensyong Espirituwal din ang mga Pasilidad ng mga Pagamutan. May isang Simbahan na hindi gaanong kilala sa ilan pero masasabi natin na punong puno ito ng halaga sa kasaysayan ng ating Bansa lalo na sa Kasaysayang pangkalusugan, matatagpuan ito sa Likod ng Kagawaran ng Kalusugan sa Santa Cruz, Maynila. Ito ay ang Dambana ni San Lazaro.
Dambana ni San Lazaro, DOH Compound Santa Cruz, Manila |
Isa itong Simbahan na nakatalaga sa isang abang lingkod at Pinakamamahal na Kaibigan ni Hesus na si SAN LAZARO, Kapatid ni Santa Marta at Santa Maria ng Betania.
Pinatayo ito sa pangunguna ng Orden ng Frailes Minores o mga Pransiskanong Prayle na si Padre Felix Huerta, OFM pati na rin ng Ospital ni San Lazaro na siyang unang Ospital sa buong Bansa noong panahon ng Pananakop ng mga Kastila.
Ang Mayaman at si Lazaro |
"Si Lazaro ng Parabula," San Lazaro Shrine Patio |
Bagamat, mabunga ang istorya ng Talinhaga, hindi natin masasabi na ANG LAZARO NA NASA TALINHAGA AY KAILANMAN HINDI NAGIGING TOTOO, HINDI SIYA SANTO. Bagkus ginawa lamang ito upang mapahalagahan natin ang Pagbibigay sa kapwa tao. Kaya noong Panahon ng panunungkulan ni Reb. Padre Roberto Titco bilang Chaplain ng Simbahang ito ay naitama ang Pinipintuhong Patron ng Ospital mula sa LAZARONG KATHANG ISIP sa SAN LAZARO NA MINAMAHAL NA KAIBIGAN NI HESUS.
Retablo, Dambana ni San Lazaro |
Bagamat ang naharap din ang Dambanang ito sa matitinding pagsubok tulad ng Lindol at Sunog, hindi pa rin maikakaila na ang bawat pader nito at ang paligid ay masasabi ko na para tila may kuwentong sasabihin sa iyo dahil sa kasaysayan nitong punong puno.
Sa Tuwing Pista ni San Lazaro (Tuwing Ikalimang Linggo ng Kuwaresma, Domingo de Lazaro) Isinasagawa ang Prusisyon sa kanyang karangalan tuwing Gabi sa tuwing babalik ito sa San Lazaro Compound agad dadalhin sa TB Ward ang Kanyang Imahen upang makapagpunas ng mga panyo ang mga Maysakit at upang humingi ng Grasya ng Diyos sa tulong ng Panalangin ni San Lazaro. Nakakaantig ang Eksenang ito dahil binibigyan ka ng Aral na sa kabila ng pagsubok at paghihirap nariyan lamang ang Diyos at si San Lazaro, HINDING HINDI KA NILA PABABAYAAN kung ano man ang kalagayan mo sa iyong buhay.
Karosa ni San Lazaro habang nilalapitan ng mga Maysakit na Tubercolosis |
Bagamat ang ito ay isang Kapilya lamang sa loob ng Ospital, sinisikap rin ng Kapilayang ito ang Titulo ng pagiging "Pang-Arkidiyosesanong Dambana ng mga Maysakit at mga Dukha" at ayon na rin sa Simbahan na ito lamang ang SIMBAHANG NAKATALAGA KAY SAN LAZARO SA BUONG PILIPINAS.
Isang pribilehiyo sa akin na makapunta dito noong unang una kong apak noong Fiesta ni San Lazaro noong nakaraang taon.
Unang Pagdalaw sa Kanyang Dambana |
Hanggang naging tapat na deboto na rin ako ni San Lazaro dahil sa isang Himalang ginawa niya sa akin. UNA, ay mahuhuli na sana ako sa pagdarausang Lenten Exhibit namin sa Parañaque. Nauubos na ang aking Oras ay naiipit pa rin ako sa Traffic, noong mga oras na iyon ay dala dala ko ang Novena sa kanyang karangalan naisipan ko bigla na dasalin iyon at habang dinarasal ko iyon ay ang hiling ko kay San Lazaro ay sana huwag akong mahuli sa Opening ng Exhibit namin. Kaya't laking gulat ko ay habang dinarasal ko ang Nobena ay biglang umaandar ang sinasakyan kong Jeep hanggang sa magtuloy tuloy ito hanggang sa makarating ako ng Parañaque. Noong nakarating ako ay sabay din na natapos ang Nobena ko kay San Lazaro kaya dagli akong pumunta sa Imahen ni San Lazaro upang makapagpasalamat sa kanya
Lenten Exhibit, MIP Levitown Parañaque. Isang Actual na larawan habang ako ay nagpapasalamat kay San Lazaro (Photo Courtesy of Noah Y. Acha) |
Ang isang himala na hinding hindi ko malilimutan ay ang Paggaling ko mula sa aking sakit na "Bell's Palsy" na kung saan ay naparalisa ang aking kaliwang mukha. Sabi sa akin ng Doktor ay posibleng maging permanente ito kung saka sakaling hindi maagapan. Naalala ko ang Langis ni San Lazaro na binigay sa amin ng Dambana. Ginawa ko ay agad ko itong ipinahid sa akin mukha at sabay na nananalangin kay San Lazaro na sana ay pagalingin ako sa aking Sakit at lumipas ang ilang araw ay nagulat ako na naigagalaw ko na ang aking Kaliwang Mukha. Bigla kong naalala si San Lazaro at sabay na nagpasalamat sa kanya.
Maraming hindi nakakakilala sa kanyang Dambana sa DOH Compound. Kung ako sa inyo, magmadali na kayo at pumunta sa Kanyang Dambana.
Halina, Kaibigan! Inaantay ka ni San Lazaro |
San Lazaro, Altar Image |
MEMORARE KAY SAN LAZARO
O San Lazaro, minamahal na kaibigan ni Hesus, alalahanin mo ang malaking pag-ibig ko sa iyo ng Panginoon. Palagi Siya sa tahanan ninyo ng iyong mga kapatid na sina Marta at Maria at binasbasan Niya ang inyong pamilya ng Kanyang mapagpalang pananatili. Nanangis Siya sa iyong pagkamatay subalit ginawa Niya ang iyong kamatayan na isang kamangha-manghang pagpapahayag na Siya ang ating buhay at mag-muling pagkabuhay. Ibinangon ka Niya mula sa libingan ay pinalaya ka mula sa kamatayan upang bigyang kaluwalhatian ang Diyos Ama.
Ngayon sa kawalang hangganan, nabubuhay kang kasama ni Hesus, ang iyong minamahal na Kaibigan at ating Panginoon. Nakikiusap kami sa iyo na alalahanin mo kami sa banal na harapan ni Hesus at dalhin sa Kanya ang mga alalahanin naming ipinagkakatiwala sa iyong makapangyarihang pagdalangin.
Kung ang aming hinihiling ay hindi makapagbibigay ng malaon pang kaluwalhatian sa Diyos o hindi makabubuti sa aming mga kaluluwa, mangyaring tulungan mo kaming manalangin nang nararapat.
Nagtitiwala kami sa iyong malakapatid na ugnayan sa amin at kay Hesus at nakatitiyak kaming hindi mo kami babalewalain. Nang may pananampalataya kay Hesus, ang ating buhay at magmuling pagkabuhay, pinanabikan namin ang araw kung kailan, kasama ka, O San Lazaro, minamahal naming kaibigan at aba naming pintakasi , harap-harapan naming sasambahin at pasasalamatan ang Ama, ang Anak at ang Espiritu Santo, magpasawalang-hanggan.
Ngayon sa kawalang hangganan, nabubuhay kang kasama ni Hesus, ang iyong minamahal na Kaibigan at ating Panginoon. Nakikiusap kami sa iyo na alalahanin mo kami sa banal na harapan ni Hesus at dalhin sa Kanya ang mga alalahanin naming ipinagkakatiwala sa iyong makapangyarihang pagdalangin.
Kung ang aming hinihiling ay hindi makapagbibigay ng malaon pang kaluwalhatian sa Diyos o hindi makabubuti sa aming mga kaluluwa, mangyaring tulungan mo kaming manalangin nang nararapat.
Nagtitiwala kami sa iyong malakapatid na ugnayan sa amin at kay Hesus at nakatitiyak kaming hindi mo kami babalewalain. Nang may pananampalataya kay Hesus, ang ating buhay at magmuling pagkabuhay, pinanabikan namin ang araw kung kailan, kasama ka, O San Lazaro, minamahal naming kaibigan at aba naming pintakasi , harap-harapan naming sasambahin at pasasalamatan ang Ama, ang Anak at ang Espiritu Santo, magpasawalang-hanggan.
More of the Shrine's History